کُلِّ عالم ها وِه نومِت مُفتَخَر
وِه هَمَه اَهلِ زِمینی تاجِ سَر
پورِ حیدر ساقیِ دَشتِ خَطر
تِشنَه لُویاچَشِشُو سیت هاوِه دَر
شِیرِ شِیرو وِه فُرات کِردَه گُذَر
تا کویرِ تِشنَه یانِه بَکَه تَر
دین و دانش زِه بوئَه دارَه زِه بَر
بَهرِ دینش وا بِرار کِردَه سفر
یااَبُوالفَضل اَشجَعُ النّاس و قَدَر
یا مُـواسی کَشُبَیرٍ وَ شَبَر
تا که دوشتی جو وِه تن تُه ای برار
اهل خیمَه داشتِن آروم و قِرار
وِت گُتِم رو سی بَچونم اِوْ بیار
تا کِه رَتی پیکرِت بی لَتِ پار
زخم نیزَه وِه تنِت ها بِی شـِمار
مشکِ حُولی دَسِ قطـع سرت وِه هار
پیکرِ خُونیــتِه تا کِه دی خُوار
خُو دِه چَش وَن رَه چُو بارونِ بهار
نورِ اَلَّه جلوِه یِ قرص قمر
هم نشونِ بَندِه ای دارَه وِه سَر
علقَمَه وا خـونِ تُه زینـت گِرِت
دِه وفادوریِ تُه شُهـرَت گِرِت
وَشتِ نورِت عالَـم و اُمَّت گِرِت
سَجدَه وِه آیِم چِنی صورت گِرِت
کربِلا وا غِیرَتِت نصـرت گِرِت
لشکرِ کـین خوری و خفـت گِرِت
دِه سَجایایِ تُه دیـن عِزَّت گرت
عشق وخُو دِه فَضلِ تُه وَصلت گرت
یا ابوالفضل ها وِه روز چو شیر نَر
عبد صالح زاهد شو تا سحر
عُمُو عباسِم دِه جنگ ها بی نظیر
رَتَه سی اِوْ بهر طفلونِ صَغیر
تِشنَه لُویانِه دِه اِوْ تا بَکَه سیر
زا وِه صَفِّ دُشمِنو عُمُو چُو شیر
هر طرف دِه هر کجا وِش هَردَه تیر
کامِ عطشونش فراتِ کِرد حَقیر
تا که دی اِفتا بِرار اِشکِس اَمیر
فکر و ذکر و نقشه یاش رَتِن دِه ویر
پورِ حیدَر بَشَرٌ کَیفَ بَشَر
بهرِ دینت کِردیَه سینه سِپَر
درباره این سایت